Главная > Информация о Посольстве > События Посольства
O'zbekistondan Xitoyga yo'l olgan xitoylik va chet ellik yo'lovchilar uchun COVID-19 PCR testi salbiyligi haqidagi sertifikat asosida samolyotga chiqish tartibi to'g'risida ma'lumot
2020/09/13
Xalqaro sayohatlar xavfsizligini ta'minlash va koronavirus infeksiyasining tarqalish xavfini kamaytirish maqsadida biz O'zbekistondan Xitoyga yoki uchinchi davlat orqali Xitoyga tranzit bilan ketayotgan xitoylik va chet ellik yo'lovchilar uchun COVID-19 PCR testi salbiy bo'lgan sertifikatga asoslangan holda samolyotga chiqishga ruxsat berilishi haqida ma'lum qilamiz. Fuqaro aviatsiyasi ma'muriyati, Bojxona Bosh boshqarmasi va XXR Tashqi ishlar vazirligi tomonidan 2020 yil 20 iyulda e'lon qilingan qo'shma bayonotga binoan:

1. Umumiy talablar

2020 yil 10 sentyabr kuni Toshkent vaqti bilan 00:00 dan boshlab, Xitoydan O'zbekistonga yoki uchinchi davlat orqali tranzit bilan Xitoyga sayohat qilayotgan xitoylik va chet ellik yo'lovchilar parvozdan 72 soat oldin COVID-19 PCR tekshiruvidan o'tishlari va XXR ning O'zbekiston Respublikasidagi elchixonasiga nuklein kislotasining "HS" bilan belgilangan yashil QR kodini olish (XXR fuqarolari) yoki salomatligi haqidagi COVID-19 PCR testining salbiy ekanligi haqidagi tekshiruv natijasiga asoslangan ma'lumotnoma( Xorijiy davlatlar fuqarolari)ni olish uchun ariza topshirishlari kerak. Aviakompaniya samolyotga chiqishdan oldin nuklein kislotasining yashil QR kodini yoki salomatligi haqidagi ma'lumotnomani tekshiradi. Charter reyslar yo'lovchilariga qo'yiladigan talablar keyinroq qo'shimcha tarzda e'lon qilinadi.

 

2. Tekshiruv o'tkaziladigan vaqt va joy:

 PCR tekshiruvi O'zbekistondagi XXR elchixonasi tomonidan belgilangan muassasalarda yo'lovchilar parvoz amalga oshirishlaridan 72 soat oldin o'tkazilishi kerak, muassasalar ro'yxati tekshiruvning sifati va darajasi, qamrab olish foizlari va boshqa omillarga asoslanib tartibga solinadi (1-ilovadagi ro'yxat). Iltimos, tekshiruvdan oldin muassasalar ro'yxatini tekshirib ko'ring.

 

 3. XXR fuqarolari uchun nuklein kislotasining yashil QR kodini olish uchun ariza berish

 1) WeChat mobil ilovasida "Epidemiyaga qarshi sog'liqni saqlash kodeksi" mini-dasturlarining xalqaro versiyasini toping va o'rnating.

 2) XXR fuqarolari jo'nashdan oldin 48 soatdan kechiktirmasdan sog'liqni saqlash mini-dasturining xalqaro versiyasi orqali XXR elchixonasiga sog'lig'ining holati to'g'risida xabar berishlari, shuningdek, COVID-19 uchun test natijalari salbiy ekanligi haqidagi sertifikatning fotosuratini yuklashlari kerak.  Ma'lumotlar Elchixona tomonidan tekshirilgandan so'ng, fuqaro "HS" belgisi ostida yashil rangli QR-kodni olishi mumkin. Past sifatli ma'lumotnoma fotosurati yoki samolyotga chiqish vaqtida to'siq yoki kechikish kabi muammolar yuzaga kelgan taqdirda, yo'lovchi javobgarlikni o'z zimmasiga oladi. Agar sizga qo'shimcha ma'lumot kerak bo'lsa, iltimos, https://hr.cs.mfa.gov.cn/help_two/help-two/hs.html sahifasiga o'ting va " COVID-19 tekshiruvining javoblari salbiy ekanligini tasdiqlovchi sertifikat haqida ko'p so'raladigan savollar" bo'limini o'qing. ".

 3) Iltimos, yashil QR koddan amal qilish muddati davomida foydalaning va uni tekshirish jarayonida aviakompaniyaga yordam bering. Yo'lovchilarga COVID-19 tekshiruvining  natijasi salbiy ekanligini tasdiqlovchi ma'lumotnomaning qog'ozli shaklini olib kelishlari tavsiya qilinadi.

 

 4. Chet el fuqarolari tomonidan salomatlik to'g'risidagi ma'lumotnomani ro'yxatdan o'tkazish

 1) Chet el fuqarolari jo'nab ketishdan 48 soat oldin, elchixonaning maxsus pochtasiga (chinaconsul_uzb@163.com) quyidagi hujjatlarning skanerlangan nusxasini yuborishlari kerak: haqiqiy pasport ma'lumotlari bo'lgan sahifa, COVID-19 PCR testining salbiy natijasi bo'lgan va ariza beruvchi tomonidan imzolangan sertifikat. Salomatligi to'g'risidagi ma'lumotnoma (2-ilovadagi namuna).

 2) Elchixona tomonidan materiallar tekshirgandan so'ng, Elchixona muhri tushirilgan salomatlik to'g'risidagi ma'lumotnomaning skaner qilingan shakli ariza beruvchiga elektron pochta orqali yuboriladi. Ushbu muhrlangan ma'lumotnomani printerdan chiqarib, samolyotga o'zingiz bilan birga olishingiz kerak.

 3) Iltimos, salomatlik haqidagi ma'lumotnomadan amal qilish muddati davomida foydalanish va aviakompaniyaga uni tekshirishda yordam berish zarurligini unutmang.

 

 5. Muhim eslatmalar

 1) Xitoyga tashrif buyurishni rejalashtirgan yo'lovchilar ushbu e'lonni diqqat bilan o'qishlari kerak. Agar sizda COVID-19 PCR tekshiruvini o'z vaqtida o'tkazish imkoniyati bo'lmasa va COVID-19 PCR tekshiruvining salbiy natijasi bilan sertifikat taqdim eta olmasangiz, shuningdek, siz "HS" belgisi bilan nuklein kislotasining yashil QR kodini yoki sog'lig'ingiz to'g'risidagi haqiqiy ma'lumotnomani ololmasangiz, demak siz samolyotga chiqish uchun zarur bo'lgan talablarga javob bermaysiz. Siz marshrutni qayta rejalashtirishingiz va rejalashtirilgan sayohat kunlarini o'zgartirishingiz kerak bo'ladi.

 2) Shuningdek, yo'lovchilarga samolyotga chiqish uchun COVID-19 PCR tekshiruvining salbiy natijasini tasdiqlovchi sertifikat asosida ruxsat berilgan tranzit mamlakatlarda (tegishli mamlakatlar ro'yxati havolada ko'rsatilgan: https://hr.cs.mfa.gov.cn/help_two/  help-two / gj.html, bizni kuzatib boring), Xitoyga sayohat qilayotgan xitoylik va chet ellik yo'lovchilarda "HS" belgisi qo'yilgan nuklein kislotasining yashil QR kodi yoki tranzit paytida salomatligi haqidagi ma'lumotnomalar tekshirilishi mumkin. "HS" belgisi bilan nuklein kislotasining yashil QR kodi va salomatlik haqidagi ma'lumotnoma COVID-19 PCR tekshiruvi sertifikati berilgan kundan boshlanadi.  Xitoyga tranzit reys bilan uchadigan yo'lovchilar QR kodi yoki salomatligi haqidagi ma'lumotnomasining amal qilish muddati davomida qo'nishlari kerak.

 3) Barcha yo'lovchilar tegishli epidemiyaga qarshi qoidalarga qat'iy rioya qilishlari va COVID-19 PCR tekshiruvidan o'tganligi to'g'risida haqiqiy va amal qilish muddati tugamagan sertifikatni taqdim etishlari shart.  Soxta sertifikatdan foydalanish qonuniy javobgarlikka olib keladi.

 4) Barcha yo'lovchilarga aviakompaniyalarning qo'shimcha tekshiruvi uchun o'zlari bilan COVID-19 PCR tekshiruvining salbiy natijasi tasdiqlangan sertifikatning asl nusxasini olib borish tavsiya etiladi.

 

Ilovalar:

Список организаций,назначенных Посольством КНР в РУ.docx

Health Declaration Form.pdf

 

 

реконмендовать другому:   
печать